Wayah ulun kakanakan bahari, uma suah bapadah,
“Pamali bapayung di rumah, sama haja lawan mamayungi urang mati.”
Pamalian ini manyataakan pantangan nang ditujuakan gasan sabarataan urang mamakai payung di dalam rumah karana lamun hal itu digawi sama haja lawan mamayungi urang mati. Lamun inya nang mamayungi urang mati, itu baarti urang nang dipayunginya adalah kapatuhannya atawa papadaannya.
Sasuai lawan kagunaannya, payung dipakai gasan malindungi pamakainya tumatan panas matahari wan hujan. Pamakaian payung di dalam rumah itu marupakan gawian nang kada baguna karana di dalam rumah sasaurang kada parlu baganangan kapanasan atawan kahujanan.
Malalui pamalian ini kita dilajari bahwa mamakai sasuatu itu harus sasuai lawan kagunaannya. Wallahua’lam.
.L.
Tidak ada komentar:
Posting Komentar