Jumat, 23 September 2011

Art Deco di Singkawang

Singkawang 4

Gothic_L_lawas sudah handak maambil gambar bangunan ini. Ahirnya taambil jua wayah bajajalanan ka Singkawang bulan Pibruari 2011 samalam. Sakalinya, sudah talu tahunan ulun kada ka Singkawang. Kabalujuran jua ada parayaan Tahun Baru Imlik wan Cap Gu Mih.

Nang manarik tumatan bangunan ini yaitu bangunannya bagaya art deco. Ulun katuju banar lawan bangunan art deco. Bangunannya cukup sadarhana, tapi ada jua pang nang rumit. Biasanya bangunan-bangunan art deco tu bawarna putih atawa bawarna krim kasuklatan. Singkawang 3Wayah ini sudah jarang ada bangunan nang bagaya art deco. Kada manyangka pang ada bangunan art deco di Singkawang. Lamun di Jakarta atawa di Bandung, banyak ai masih. Tapi pang bangunan-bangunan lawas.

Bangunan ini baandak di Jalan Pangiran Dipunuguru, Kalurahan Pasiran, Kacamatan Singkawang Salatan, Kuta Singkawang, sakitar saratus ampat puluhan kilu mitir tumatan kuta Puntianak. Singkawang tu kuta pangganalnya numur dua di Kalimantan Barat.

kotaindah-1955 jBahari, bangunan ni adalah sabuah biuskup nang bangaran “Bioskop Kota Indah”, ujar urang pang. Gaya art deco-nya talihat tumatan manaranya.

Gambar di samping ini adalah gambar wayah bangunan ini bapungsi sabagai biuskup. Kada tahu jua babila gambarnya ni diambil. Pinanya sudah lawas banar pang. Pastinya sabalum ulun diranakakan. Kalu gambar nang dibawah ini adalah gambar bangunan ini wayah ini tumatan sudut panglihatan nang sama. Wayah ini, ulun kada tahu bapungsi gasan apa bangunan ini.Singkawang 2

kotaindah-doeloe

Wayah ini, mari kita bandingakan lawan Bioscoop Metropool atawa nang wayah ini bangaran Bioskop Metropole XXI (pada tahun 1960 – 1980 bangaran Bioskop Megaria) di Jakarta.

 

.L.

Diposting oleh pada hari

4 komentar:

  1. UnknownMinggu, 24 Februari 2019 pukul 03.45.00 WITA

    saya ingin bertanya bangunan itu milik siapa . milik negara atau milik pribadi ?

    BalasHapus
  2. UnknownMinggu, 24 Februari 2019 pukul 03.46.00 WITA

    saya ingin bertanya bangunan itu milik siapa . milik negara atau milik pribadi ?

    BalasHapus
    Balasan
    1. UnknownRabu, 23 Desember 2020 pukul 11.13.00 WITA

      itu adalah bangunan milik pribadi
      saya sudah bertemu dengan salah satu keluarga , yang memiliki gedung tersebut.
      jika ingin bertemu atau menanyakan secara detail
      hubungi 085332888795 atas nama egi

      Hapus
  3. SYARIFUDIN gen. IISenin, 25 Februari 2019 pukul 02.18.00 WITA

    Saya kurag tahu bangunan itu miliksiapa

    BalasHapus

Langganan: Posting Komentar (Atom)